Një rast denoncimi për vjedhje është adresuar në redaksinë tonë nga një pronar i një hoteli në Vlorë. Ai shkruan se dy shtetas spanjollë të cilët kanë qëndruar disa në ditë në hotelin e tij, pasi kanë konsumuar mëngjesin kanë ikur duke vjedhur një palë syze në një tavolinë ngjitur ku ka qenë ulur një çift norvegjezësh.
Çifti kishte harruar një palë syze 1300 euro dhe ka ikur, ndërsa syzet janë vjedhur nga spanjollët. Pronari i hotelit shkruan se pasi kontrolluan kamerat e sigurisë në biznes, kanë kontaktuar me spanjollët për t’i kthyer syzet.
Ata i kanë komunikuar pronarit të hotelit se do të vijnë t’i kthejnë pasi i kanë marrë gabimisht, por kjo nuk ndodhi, përkundrazi, ata kanë shkruar negativisht në booking për hotelin, duke thënë se pronari i akuzuar padrejtësisht për vjedhje.
Pronari i hotelit në Vlore:
Përshëndetje JOQ! Nuk doja që ta bëja publike por duke qën se rasti që do ju nise vidojo ka të bëj me dy shtetas Spanjoll të cilët qëndruan për disa ditë në hotelin ton dhe ditën që ikën, pasi konsumuan mëngjesin dhe do ikinin ata vodhën syzet te tavolina ngjitu ku një çift norvegjezësh i harruan, të cilat kushtonin rreth 1300 euro .
Pasi konstatuam nga kamerat e siguris që i kishishin marë këta ju dërguam sms në nr e tel që të kthenin syzet por na than se do vinin në të nesërmen pasi i kishin mar gabimisht dhe do qëndronin në durrës për 1 natë dhe do vinin sërisht në vlorë gjë që nuk e besova! Nuk mjaftoj kjo por na shkruajti dhe në booking që e kishim akuzuar padrejtësisht për vjedhje .
