Home
Shqipëria e De Biazit apo e Silvinjos? Sokol Kushta i vendos pikën: Atëherë kishte publik të vakët, me Silvinjon kemi 5 ndeshje që nuk gjejmë dot bileta se ka…shfaqje
On Nov 17, 2023
0
Share
Emisioni Koha Shtesë ka pasur këtë herë në intervistë një legjendë të Shqipërisë, Sokol Kushtën. Fjala merr gjithmonë peshë të madha kur del nga goja e figurave të tilla, që kanë shumë për të thënë dhe sigurisht, që ka shumë për të dëgjuar. Kushta ka folur rreth gjithçkaje, në një intervistë dhe analizë të gjatë vetëm për Kombëtaren.
“Shqipëria e De Biazit dhe e Silvinjos? Nëse flasim për futboll, nuk mund të krahasojmë dy kohëra të ndryshme. Por nëse e marrim, atëherë duhet të flasim për diferencën cilësore dhe sasiore. Flasim për diferencën sasiore, pasi në kohën e De Biazit ka pasur një publik të vakët. Ndërsa me Silvinjon, njerëzit zihen për bileta, nuk gjen dot me bileta, kemi 4-5 ndeshje që nuk gjejmë dot bileta. Ky është treguar, ky është termometri. Pra njerëzit shikojnë shfaqje të bukur nga Shqipëria e Silvinjos. Atëherë ishte një rrugëtim edhe nëpërmjet gjyqeve, ndërsa tani shijon shumë me Silvinjon”, tha Kushta. /Sport Ekspres/
