Ermal Mamaqi ishte i ftuar në emisionin “Më lër të flas”, ku foli për sezonin e dytë të serialit “H.O.T”, por ndër të tjera, nuk e kurseu sërish një kunj për Luizin.
Moderatorët e pyetën nëse e ka parë filmin “Në kuadër të dashurisë” dhe se si iu duk Luizi si aktor dhe Ermali u përgjigj:
“Mirë ishte. Aktor i mirë. M’u duk më i mirë si aktor se sa si këngëtar. Kishte shumë talent”, u përgjigj Ermali, ndërsa për filmin tha thjesht: “Këndshëm”, duke thënë se nuk u ftua në premierën e filmit.
Ashtu siç pritej, njerëzit e komentuan thumbin e tij, pasi Ermali duket se e ka disi zili Luizin për suksesin që ka.
Shumica e komentuesve u shprehën se Ermali është ziliqar për suksesin e Luizit. “O Ermal, gjithë këto vite dhe prapë ziliqar mbete”; “Luizi është profesionist si këngëtar, por bravo, ti e vlerësove dhe si aktor. Mos ki kaq smirë”, shkroi dikush tjetër. “Më i mirë se ti po, si këngëtar dhe si aktor”, komentoi një tjetër person. “Ermal, je pak ziliqar, jo për buxhetin, por për suksesin e tjetrit”.
