Shqipëria në grup “ferri”, me Spanjën, Italinë dhe Kroacinë

Pak momente më parë u hodh në Hamburg të Gjermanisë shorti për ndeshjet e fazës në grupe të EURO 2024. Ky kompeticion do të zhvillohet në periudhën 14 qershor deri 14 korrik 2024.

Duket se Shqipëria ka rënë në një grup mjaft të vështirë, madje grup “ferri”. Kuqezinjtë do të përballen në grupin B me skuadrat e Spanjës, Italisë dhe Kroacisë.

Ndeshja e parë e Shqipërisë në këtë fazë të grupeve do të jetë në datë 15 qershor përballë Italisë në Dortmund.

Ndeshja e dytë do të luhet në 19 qershor në hamburg kundër Kroacisë.

Ndërsa ndeshja e tretë e kuqezinjve do të luhet në Dyseldorfn ë datë 23 qershor përballë Spanjës.