Një atentat me tre të vrarë ka ndodhur gjatë mesnatës në një lokal në Memaliaj.
Shyqo Kalemi, Gledio Muka dhe Marsel Çela janë vrarë brenda në lokal, ndërsa një person i katërt, vëllai i Kalemit është dërguar në spitalin e Gjirokastrës i plagosur rëndë.
Shënjestër e kêtij atentati ka qenë Shyqo Kalemi, babai i Andrea Kalemit i njohur dhe si Adriatik Kalemi i cili iu ka shpëtuar disa atentateve brenda vitit të kaluar.
Kalemi është akuzuar për vrasjen e biznesmenit Edmond Papa në Sarandë dhe êshtë kushëriri i Aleksandër Sadikajt, i cili mbeti i vrarë pas një atentati mafioz, ku mjeti i tij u hodh në erë afër një qendre tregtare në dalje të Tiranës.
Ndërkohë që dy të vrarët e tjerë janë njëri kamarier dhe tjetri klient i lokalit. Autorët e kësaj ngjarje pasi kanë qëlluar me breshëri automatiku në drejtim të lokalit i cili është në qendër të qytetit janë larguar në drejtim të paditur.
