Atentati me 3 të vrarë në Shkodër, ja kush është Izmir Sakica: Në kërkim edhe për atentatin ndaj ‘Audi-t’ të blinduar në Bushat

TPZ ka siguruar foton e Izmir Sakices, njërit prej 2 personave në kërkim policor për t’u marrë në pyetje për atentatin e ndodhur në Shkodër më 30 tetor.

Sakica dhe Samuel Troshani, janë po ashtu në kërkim për një tjetër ngjarje të ndodhur më herët më 23 gusht 2024 në Bushat të Shkodrës, ku dyshohet se ka pasur shkëmbim zjarri mes tyre dhe 2 vëllezërve Andrea e Aleksandër Prendi.

Gjatë shkëmbimit të armëve u qëllua me breshëri plumbash në një mjet të blinduar ‘Audi’, por nuk pati të lënduar. Për këtë ngjarje në polici u shoqërua dhe Safet Bajri por më pas u la i lirë.