Avioni i nisur nga Londra goditet nga turbulencat e forta, ka viktima dhe të plagosur

Date:

- Advertisement -

Një person ka vdekur dhe 30 të tjerë janë plagosur në një avion të Singapore Airlines që ishte nisur nga Londra por që u godit nga turbulenca të forta.

Boeing 777-300ER me destinacion Singapor u devijua në Bangkok dhe u ul në orën 15:45 lokale. Avioni mbante gjithsej 211 pasagjerë dhe 18 anëtarë të ekuipazhit, tha linja ajrore në një deklaratë.

Në një deklaratë në mediat sociale, linja ajrore tha:

“Fluturimi SQ321 i Singapore Airlines, që operonte nga Londra (Heathrow) në Singapor më 20 maj 2024, hasi në turbulenca të rënda gjatë rrugës. Ne mund të konfirmojmë se ka të lënduar dhe një vdekje në bordin e Boeing 777-300ER. Në bord ndodheshin gjithsej 211 pasagjerë dhe 18 anëtarë të ekuipazhit. Singapore Airlines i shpreh ngushëllimet më të thella familjes së të ndjerit”.

Ajo që ndodhi në bordin e fluturimit është ende e paqartë.

Një ekspert i aviacionit tha se dëmtimet nga turbulencat e forta janë relativisht të rralla në kontekstin e miliona fluturimeve të kryera. Megjithatë, turbulencat e forta mund të jenë dramatike dhe të çojnë në lëndime të rënda ose fatkeqësisht në këtë rast një fatalitet. Ekuipazhet e fluturimit kanë burimet dhe mjetet e tyre për të parashikuar turbulencat, megjithëse disa pjesë të botës janë më të prirura ndaj tyre.

Ai tha se nuk është i kotë rekomandimi i linjave ajrore për të mbajtur rripat e sigurimit gjatë një fluturimi, qoftë i gjatë apo i shkurtër.

- Advertisement -

Share post:

Më të lexuarat

Me shume
Related

Ish-kryeministri shqiptar i Malit të Zi: “Do të jem në stadium dhe do të bëj tifo për Serbinë”

Ish-kryeministri shqiptar i Malit të Zi, Dritan Abazoviç, mbrëmjen...

Hyrja e tifozit në fushë i kushton shtrenjtë Shqipërisë, UEFA nis procedim kundër kuqezinjve

UEFA ka nisur procedim disiplinor kundër Shqipërisë, më saktësisht...