Breshëria e plumbave ndaj “TCH”, çfarë zbuluan dy ekspertizat dhe kush janë 3 të rrezikshmit ku është përqendruar hetimi?

Date:

- Advertisement -

Goditja me 15 plumba e godinës së “Top-Channel”, vijon të qëndrojë e pazbardhur, megjithëse policia dhe prokuroria e Tiranës, pretendojnë se kanë ngushtuar ndjeshëm rrethin e personave, që dyshohet se morën pjesë në goditjen me armë të televizionit.

Prokuroria së fundi i është drejtuar me një letërporosi autoriteteve të “Europol” në Francë, duke kërkuar ndihmë për ekzaminimin e dy profileve gjenetike, që janë gjendur në gëzhojat e sekuestruara në vendin e krimit.

E ndërsa grupi i hetimit është në pritje dhe ka shpresa të mëdha se përgjigjia e “Europol”, do sjellë zbardhjen e ngjarjes, nga ana tjetër në prokurori kanë mbërritur përgjigjet e para të ekspertizave.

“Ora News” mëson se dy ekspertizat, ajo balistike dhe mjeko-ligjore, kanë konfirmuar se roja i televizionit Pal Kola, është vrarë nga një plumb rikoshet. Hetimi ka përjashtuar totalisht se Pal Kola ka qënë objekt i këtij sulmi me armë.

Sipas dinamikës së ndërtuar përmes kamerave të sigurisë së televizionit por dhe ekspertizave të kryera, është provuar se autorët kanë qëlluar 1 plumb të vetëm në drejtim të kabinës ku qëndronte roja, Pal Kola.

Plumbi që i ka marë jetën këtij të fundit, sipas dy ekspertizave rezulton të ketë ndryshuar trajektoren.

Pasi predha është gjendur e dëmtuar, gjë të cilën e provojnë ekspertët balistikë dhe mjekësia-ligjore.
Pal Kola, nuk ka ndëruar jetë brenda në kabinën e rojes, por ai ka dalë jashtë saj duke ecur rreth 7 metra dhe më pas është rrëzuar në oborin e televizionit.

Vetëm pak orë pas sulmit me armë të “Top-Channel” dhe vrasjes së Pal Kolës, policia e Vlorës ndaloi rastësisht Roberto Papçin, ish-dhëndërin e viktimës.

Por pas marjes në pyetje të tij dhe verifikimeve të policisë, ai rezultoi se ndodhej në Gjirokastër dhe nga ky qytet po udhëtonte në drejtim të Vlorës, që sipas tij do takonte një shok për të blerë një makinë.

Papçi është lënë i lirë, ndërsa policia dhe prokuroria e Tiranës, tashmë kanë përqëndruar hetimet mbi tre persona që janë pjesë e krimit të organizuar.

Ata po mbahen në survejim, ndërsa gjatë kësaj periudhe hetimore nuk është arritur të zbardhet motivi i goditjes me armë të televizionit “Top-Channel”.

Për këtë pjesë janë marë në pyetje dhe aksionerët e televizionit, por askush prej tyre s’ka deklaruar në polici motivet e mundshme të sulmit me armës ndaj pronës së tyre, ku mbeti i vrarë një person.

- Advertisement -

Share post:

Më të lexuarat

Me shume
Related

Si më le vetëm o vëllaçko?”, motra e Emilijanit në lot: Ma dogje zemrën!

Emiljan Pine është 37-vjeçari i vrarë mbrëmjen e kaluar...

Shtëpia molla e sherrit, korçari vrau 40-vjeçarin dhe më pas veten

Babai i autorit Ilo Lluka, i cili vrau mbrëmjen...

VIDEO/ Muçi driblon dy kundërshtarë dhe i jep mundësinë Rashicës për të shënuar, rasti i humbur nga sulmuesi shqiptar

Beshiktashi është gjysmëfinalisti i radhës në Kupën e Turqisë....

Sot i jepet lamtumira e fundit 26-vjeçarit që humbi jetën në aksidentin tragjik në Prishtinë

Dy ditë më parë, një aksident i rëndë ka...