Britanikët po vërshojnë drejt Shqipërisë pasi vendi gëzon një rritje të turizmit falë plazheve të gjata me rërë, hoteleve me çmim të mirë dhe restoranteve të lira.
Kështu e nis shkrimin tabloidi britanik “Daily Mail”, në një artikull të gjatë ku reklamon disa prej qyteteve turistike më të frekuentuara në Shqipëri.
“Më shumë se 120,000 shtetas të Mbretërisë së Bashkuar çdo vit vizitojnë tani vendin – nën sundimin komunist deri në vitin 1992 – pasi sektori i tij i turizmit gëzon vitin e tij më të suksesshëm deri më sot.
Dhe vendi malor në gadishullin Ballkanik do të jetë edhe më tërheqës për britanikët këtë dimër kur Ryanair dhe ëizz Air të dy nisin fluturime me çmime të lira”, thuhet më tej në artikull.
Nga Shkodra, në Durrës, Tiranë, Berat dhe Sarandë, Daily Mail psqyron çmimet e lira të restoranteve dhe hoteleve.
“Hulumtimi i MailOnline sot ka gjetur se mesatarja e vaktit për dy në një restorant të nivelit të mesëm në Shqipëri është vetëm 29 £ në total, ndërsa një birrë do të kushtojë mesatarisht 1.67 £.
Destinacionet më të lira të njohura atje për një vakt duket se janë Shkodra dhe Vlora ku kushton vetëm 21 £ për dy, ndërsa më e lira për një birrë është Berati me 80 p.
Të dhënat e përpiluara nga databaza e kostos së jetesës Numbeo zbulojnë gjithashtu se Tirana është vendi më i shtrenjtë për një vakt jashtë, por është ende vetëm 33 £ për dy, ndërsa një birrë është 1.70 £
Hotelet janë gjithashtu shumë të arsyeshme, me të dhënat e Booking.com që tregojnë se hotelet në Tiranë kushtojnë vetëm 41 £ nata për një me tre yje, 60 £ për një me katër yje dhe 116 £ për një me pesë yje”, shkruan Daily Mail.
