Dy lojtarë dhe 4 milionë euro, Sivasspor refuzon ofertën e majme për Rey Manaj

E ardhmja e Rey Manajt vazhdon që të jetë akoma në ‘ajër’. Sulmuesi i Kombëtares shqiptare mbylli një sezon fantastik me Sivasspor në Turqi. Gjithashtu, edhe pse nuk shënoi në Europian, Manaj u paraqit mjaft mirë.

Kjo ka bërë që shumë ekipe si në Turqi, apo jashtë Europës të jenë në ndjekje të tij. Një lajm i fundit, sipas gazetarit Hakay Yologlu, Sivasspor ka refuzuar ofertë prej 2 lojtarësh dhe 4 milionë eurosh nga Trabzonspor.

4 milionë euro plus kartonin e Umut Bozokun dhe Umut Gynes për të transferuar Manajn. Ofertë kjo që është refuzuar në mënyrë kategorike nga Sivasspor. Por, sipas gazetarit Yologlu, për Manajn janë shtuar të interesuar nga Arabia Saudite dhe Spanja.