Janë zbardhur detaje të reja nga shpërthimi me lëndë eksplozivi në banesën në pronësi të Muhamed Dukës në zonën e Freskut në Tiranë.
Muhamed Duka është babai i Leoanard Dukës, kreu i të klanit Duka, të cilët janë kundërshtarë në botën e krimit me Ervis Martinajn.
Mësohet se prej 4 vitesh në banesën ku u vendos eksplozivi nuk jetonte asnjë person dhe Muhamed Duka ia kishte lënë për t’u kujdesur një personi tjetër. Ky i fundit ende nuk është gjetur nga Policia për t’u marrë në pyetje dhe grupi hetimor ka marrë vetëm dëshmitë e banorëve të tjerë të pallatit, të cilët kanë thënë se se kanë qenë në gjumë dhe kanë dëgjuar vetëm shpërthimin e fuqishëm.
Burime pranë grupit hetimor bëjnë me dije se blutë e kryeqytetit, përveç pistës së një paralajmërimi, dyshohet se ngjarja mund të jetë edhe e stisur nga vetë familjarët, nisur kjo nga arrestimi i Leonard Dukës në Belgjikë pak javë më parë dhe si një përpjekje për të mos u ekstraduar mund të jetë përdorur kjo taktikë./voxnews.al
