Dy të mitur, një 16 dhe tjetri 17-vjeç janë lënduar pasi janë hedhur nga shkëmbinjtë në plazhin e Llamanit, Himarë.
Policia thotë se pasi kanë mbërritur me jetski pranë shkëmbinjve ata kanë bërë hedhje. Por shtetasi K. Xh., 16 vjeç, kur është hedhur në det, ka pësuar dëmtime të rënda në fytyrë dhe në kokë, për shkak se ka rënë afër shkëmbit.
Për t’i ardhur në ndihmë 17-vjeçari me iniciale D.K ka shkuar ta shpëtojë për por nuk ka mundur dot sepse është dëmtuar edhe ai vetë.
16-vjeçari është nisur me helikopter drejt Tiranës pasi ndodhet në gjendje të rëndë, ndërsa 17-vjeçari është jashtë rrezikut për jetën.
Njoftimi i policisë Himarë:
Policia e Himarës iu jep ndihmën e parë 2 pushuesve të cilët aksidentalisht ishin dëmtuar pasi ishin hedhur nga një shkëmb në det.
Në Llaman, shtetasit D. K. dhe K. Xh., janë afruar te disa shkëmbinj dhe pasi kanë zbritur nga mjeti lundrues Jet Ski, kanë hipur në shkëmbinj, për t’u hedhur në det.
Shtetasi K. Xh., 16 vjeç, banues në Tiranë, kur është hedhur në det, ka pësuar dëmtime të rënda në fytyrë dhe në kokë, për shkak se ka rënë afër shkëmbit. Në këtë moment është hedhur në det edhe shoku i tij, shtetasi D. K., 17 vjeç, banues në Tiranë, për ta ndihmuar, por nuk ka mundur dot sepse është dëmtuar edhe ai vetë.
Shtetasi D. K. ndodhet jashtë rrezikut për jetën, ndërsa shtetasi K. Xh. po transportohet me helikopter në drejtim të Tiranës, për ndihmë mjekësore më të specializuar.
Në vendngjarje ndodhen shërbimet e Policisë vendore dhe ato të Policisë Kufitare, si dhe grupi hetimor, me qëllim dokumentimin e plotë të rrethanave të ngjarjes. Ndërkohë, është shoqëruar në Komisariat dhe po merret në pyetje pronari i mjeteve lundruese, shtetasi R. P.
