Ernest Muçi ka lënë në mes pushimet për t’ju bashkuar Beshiktashit në kampin stërvitor në Slloveni. Atje, sulmuesi shqiptar ka dhënë një intervistë për “A Spor”-in, ku ka rrëfyer edhe objektivin e tij për të ardhmen. Lojtari 23-vjeçar është shprehur se do të pikësynimin e tij në karrierë e ka që një ditë të luajë në Premier League dhe në Champions League.
“Jam shumë i lumtur që luaj me lojtarë shumë cilësorë si Rafa Silva dhe Ciro Immobile. Ata kanë luajtur në ligat më të mira, në skuadrat më të mira. Po kështu, në ktu përfshij edhe Gabrielin. Ata do të jenë një udhërrëfyes jo vetëm për mua, por për të gjithë lojtarët e rinj.
Qëllimi im më i madh është të luaj në Premier League dhe Champions League. Ky është një objektiv individual, do të bëj më të mirën për klubin tim, i cili investoi shumë te unë dhe për fansat e mi që më përqafojnë”, ka deklaruar Ernest Muçi./Halit Delibashi-Sport Ekspres/
