Edhe pse kolona të shumta shkaktohen në pikat kufitare në Kosovë përgjatë verës, e që tregon ardhjen e mërgimtarëve kjo nuk është e tëra.
Mërgimtarë të shumta vinë drejt Kosovës edhe përmes udhëtimeve në ajër.
Edhe këtë vit Aeroporti i Prishtinës ka qenë dera e parë që hapet për mërgimtarët në Kosovë. Madje vetëm gjatë dy muajve që lamë pas në Kosovë përmes aeroporti të Prishtinës kanë ardhur 754 mijë e 918 udhëtarë.
Kjo është bërë e ditur për lajmi.net nga zëdhënësja e aeroportit të Prishtinës, Valentina Gara.
Gara njoftoi se numri i udhëtarëve për vajtje-ardhje gjatë muajit qershor ishte, 335,340 ndërsa për muajin korrik ishin 419,578 udhëtarë.
Ndërsa numri total i udhëtarëve të cilët kanë lëvizur përmes aeroportit të Prishtinës si vajtje-ardhje nga janari deri në gusht të këtij viti është 2,258,690.
Numri i pasagjerëve në kuadër të këtij aeroporti thuajse çdo vit ka qenë në rritje e sipër.
Pavarësisht kërkesave të shumta për udhëtime është arritur që përmes aeroportit të Prishtinës të bëhen thuajse të gjitha vajtje-ardhjet e mërgimtarëve, por edhe të turistëve të huaj të cilët vizitojnë Kosovën gjatë verës.
Nga aeroporti “Adem Jashari” gjithashtu u bë e ditur se numri total i fluturimeve përgjatë janarit e deri në gusht 2024 ishte 14 mijë e 906.
Numri i fluturimeve vetëm në muajin qershor ka qenë 2 mijë e 244 kurse në muajin korrik 2 mijë e 958.
Duhet theksuar se periudhat me më së shumti fluks edhe s ai përket fluturimeve, por edhe udhëtarëve në këtë aeroport është gjatë dy javëve të dimrit, në kohën e festive si dhe gjatë tre muajve të verës, qershor-korrik -gusht.
Numri i madh i atyre që vinë në Kosovë përgjatë verës e bën edhe më të ngarkuar aeroportin e Prishtinës, por padyshim edhe më të frekuentuar sa i përket flurimeve./Lajmi.net/
