Ndahet nga jeta në moshë të re mjeku specializant i Spitalit të Traumës, kolegët e tronditur nga lajmi i hidhur

Një lajm i trishtë ka tronditur kolegët e mjekut të ri specializant në Spitalin Universitar të Traumës në Tiranë.

Krios Beqiraj, mjek specializant Ortoped është ndarë nga jeta në moshë të tre. Kolegët e tij në Spitalin e Traumës, por edhe ata të Fakultetit të Mjekësisë kanë shprehur ngushëllimet e tyre.

“Spitali Universitar i Traumës i shpreh ngushëllime familjes së Krios Beqaraj mjekut specializant Ortoped, në Shërbimin e Ortopedisë klinika e parë, për ndarjen nga jeta në moshë të re, pas përpjekjesh dhe dëshirës për të jetuar dhe ushtruar profesionin e tij, të cilit ditën e sotme ju dha lamtumira për në banesën e fundit. Ngushëllime familjes”, thuhet në reagimin e Spitalit të Traumës.