Ambientalisti Sazan Guri
Ambientalisti dhe avokati i njohur Sazan Guri, ka shtruar disa pikëpyetje për ndërtimin e pallateve të reja në Tiranë, në një kohë që thotë se shqiptarët po largohen nga vendi. Ai provokon duke folur dhe për “gojët e liga”, të cilat thonë se në to do jetojnë afganët.
“Mos vallë Tirana gatitet për të pritur të ardhur nga lindja, se vetë shqiptarët po i bëjnë të ikin drejt perëndimit! Gojët e liga flasin se apartamentet që po ngrihen kapin shifrën për tu sistemuar rreth 100,000 persona?”, shkruan Guri.
Sazan Guri duke ju referuar këtyre “gojëve të liga”, thotë se për këtë arsye erdhi në Shqipëri në ditët e para të korrikut dhe ish-presidenti amerikan Clinton.
“Gojët e këqija vazhdojnë e thonë që Bill Clintoni, ndaj erdhi dhe takojë KM dhe jo Presidentin, që të merrte garancinë për këta 100 mijë afganë. Por gojtë e mira thonë se ndaj erdhi zyrtari amerikan për të vulosur këtë bisedë dhe u gostit me një thelë shalqi nga Km ynë?”, vijon ai.
