Janë zbardhur detaje nga marrëveshja e shkruar mes Ramës dhe Melonit që përfshin strehimin në kampe të mbi 36,000 refugjatëve në vit nga Afrika Veriore dhe Lindja e Mesme në Shqipëri.
Brenda pranverës së vitit 2024, në Shëngjin do të ndërtohen dy kampe për pritjen e emigrantëve që synojnë thuajse çdo ditë brigjet jugore të Italisë. Bëhet fjalë për ata emigrantë që u rrezikohet jeta gjatë lundrimit në det dhe shpëtohen nga anijet e ushtrisë, Guardia di Finanza-s italiane që patrullojnë në Mesdhe, apo dhe nga mjetet lundrues të organizatave humanitare.
Në marrëdhveshje specifikohet se në Shqipëri do të vijnë meshkuj të rritur të moshës mbi 18 vjeç dhe janë të përjashtuar minorenët dhe gratë shtatzëna.
Pak vite më parë Rama pranoi në të njëjtin vend refugjatët afganë të cilët hapën në Shëngjin restorantet e tyre dhe tashmë kanë nisur të banojnë në atdheun tonë.
Ky plan në bashkëpunim me qeverinë që po largon shqiptarët vendas dhe po mbush Shqipërinë me emigrantë të huaj të vendeve të treta është një plan i frikshëm shpopullimi i paralajmëruar prej vitesh.
Vite më parë Rama mohonte në mënyrë kategorike ngritjen e kampeve për emigrantët në Shqipëri për llogari të vendeve të pasura, e madje i quante brroçkulla.
Sot, Shqipëria ndodhet në këtë situatë!
Burimi i lajmit: https://joq-albania.com/artikull/1174476.html
