Moderatorja Megi Pojani ka reaguar në rrjetet sociale për videon e publikuar nga vetë ajo, ku shfaqej duke bërë disa skena të pahijshme tek varri i stërgjyshes së saj. Ajo ka shkuar për ta pastruar, por në një video shfaqej dhe duke tundur të pasmet e saj.
Në reagimin e saj, Megi shkruan se shkon shpesh tek varri i stërgjyshes së saj, ku e lan, i ndez qirinj dhe i vendos lule të freskëta, teksa sipas saj, ajo është mënyra e saj se si e ndërton komunikimin me stërgjyshen që prindërit e saj e kanë dashur fort.
Megi thotë se video është bërë 3 vite më parë dhe se varret nuk lidhen vetëm me kujën e lotët. Më tej ajo shton se ato veprime nuk i ka bërë për t’u tallur, dhe se i kërkon ndjesë kujtdo që mund të jetë fyer nga veprimet e saj.
“Jam shume e keqardhur per veprimet e mia tek video qe eshte publikuar sot. Kam qene te varri i sterstergjyshes sime ku shkoj shpesh; e laj, i ndez qiri dhe i vendos lule te fresketa, qe varri t’i dale ne drite. Kjo eshte menyra ime se si e ndertoj komunikimin me nje sterstergjyshe qe prinderit e mi e kane dashur fort.
Eshte menyra ime, jo e jotja, marredhenia ime me te, jo e jotja. Varret s’lidhen vetem me kujen e lotet. Ate moment, kur eshte bere video (3 vite me pare), e kam te gjalle dhe tani. Cdo here qe vizitojme te afermit tane ne varreza mami ngarkohet dhe ne mundohemi ta bejme te qeshe me ‘idiotesite tona. Kjo eshte shume intime.
I kerkoj ndjese perulesisht kujtdo qe (me te drejte), mund te jete fyer nga veprimi im i pamatur.
Jam koshiente se sa mund te lendoje, sa ç’jam koshiente per qellimet per se eshte bere dhe publikuar kjo video – kurre per t’u tallur me personin tim te dashur. Uroj qe personazhi im ne rrjete sociale mos te keqkuptohet dhe mos te interpretohet si karakteri im i vertete dhe kam bindje qe ne aq kohe sa kam qene pjese e televizionit kam treguar se kush eshte Megi e vertete. Uroj ne mirekuptimin e njerezve qe me kane mbeshtetur deri tani, ne jete dhe ne rrjete sociale.” -shkruan moderatorja.
