Sezoni që lamë pas shënoi sukses për lojtarët shqiptarë. Disa prej tyre e kanë mbyllur sezonin futbollistik me trofe, duke mundur të pasurojnë vitrinën e tyre. 5 lojtarë shqiptarë e kanë përfunduar kampionatin si kampionë me skuadrat e tyre respektive.
Qazim Laçi u kurorëzua kampion që në sezonin e tij të parë në në Çeki. Sparta e Pragës fitoi garën me Sllavian e Pragës dhe ngriti në fund trofeun. Një sukses në të cilin ka meritën e vetë edhe Laçi, që ka fituar menjëherë zemrat e tifozëve. Ndërkohë kampion është shpallur edhe Myrto Uzuni, i cili ka fituar La Liga 2 me Granadën, kampionat ku është shpallur edhe golashënuesi më i mirë.
Të njëjtin sukses e ka arritur edhe Serxho Kalaj në Serinë B me Frozinonen, pavarësisht se ende nuk ka një vend titullari fiks në skuadër. Me trofeun e kampionit në dorë e kanë mbyllur edhe Arbnor Muja së bashku me Milot Rashicën. Ky i fundit ka fituar titullin me Gallatasarain në Turqi, ndërsa Muja me fanellën e Antverpit në Belgjikë./Halit Delibashi-Sport Ekspres/
