Një tërmet i fuqishëm me magnitudë 6.8 goditi Marokun natën e së premtes, duke vrarë afro 300 njerëz dhe duke dëmtuar ndërtesa në qytetin historik të Marrakech, Shërbimi Gjeologjik i Shteteve të Bashkuara (USGS) tha se ishte lëkundja më e fortë që goditi atë pjesë të kombit të Afrikës së Veriut në më shumë se një shekull, raporton CNN.
Tërmeti goditi në vargun malor të Atlasit të Lartë të Marokut pak pas orës 23:00. sipas kohës lokale në thellësinë relativisht të cekët prej 18.5 kilometrash (11.4 milje), tha USGS, me epiqendrën e vendosur rreth 72 kilometra (44.7 milje) në jugperëndim të Marrakech, një qytet me rreth 840,000 banorë dhe një destinacion popullor turistik.
Shumë marokenë e kaluan natën në rrugë në qytete të shumta të frikësuar nga pasgoditjet, autoritetet shëndetësore gjithashtu u bënë thirrje njerëzve që të dhurojnë gjak për të ndihmuar të plagosurit.
Shumica e vdekjeve ndodhën në zonat malore që ishin të vështira për t’u arritur, thanë autoritetet, dhe ekipet e shpëtimit kishin vështirësi për të arritur në zonat më të prekura pasi rrugët u dëmtuan./VoxNews
