Bayern Munich ka mbyllur me sukses fazën përgatitore, duke mposhtur në miqësore zvicerianët e Grasshoppers. Sfida e zhvilluar në qendrën stërvitore të bavarezëve u mbyll me rezultatin e thellë 4-0.
Si fillim ishte Olise ai që kaloi Bayernin në avantazh. Sulmuesi i talentuar francez i cili u afrua këtë verë te bavarezët gjeti rrugën e rrjetës në minutën e 12-të. Ky ishte dhe goli i vetëm përsa i përket pjesës së parë të kësaj sfide.
Me nisjen e pjesës së dytë Bayerni vazhdonte që të ishte dominant, duke shënuar edhe 3 gola të tjerë. Kanë në minutën e 47-të, Tel në të 68-tën dhe Thomas Muller në minutën e 91-të, mbyllën sfidën me “poker” golash.
Në krahun tjetër, titullar për Grasshoppers ishte dhe Amir Arbashi. Mesfushori i Kombëtares shqiptare luajti nga fillimi e deri në fund, teksa në krah mbante dhe shiritin e kapitenit.
