Keqtrajtimi dhe dhuna ndaj kafshëve të pambrojtura në Shqipëri është kthyer në një fenomen shqetësues. Ligji nuk zbatohet, e në rastin më të rëndë, dhunuesit ia hedhin me një gjobë e vazhdojnë të bëjnë të njëjtën gjë vazhdimisht, pa u trembur nga shteti.
Një tjetër rast i rëndë i dhunës ndaj kafshëve ka mbërritur në redaksinë e JOQ Albania. Një person i quajtur Gazi Mera ka shpërndarë në rrjetin social TikTok një video ku dhunon një gomar. Ai kërkon t’i hipë ndërsa kafsha nuk e lë, e më pas Mera e fshikullon fort me litarin që e ka lidhur për ta zbutur.
Burri nga Laçi arrin t’i hipë gomarit por ky i fundit nuk ecën dhe tenton ta hedhë poshtë. Teksa skena filmohet nga miqtë e tij dhe qeshin të gjithë, u ka bërë përshtypje shikuesve të cilët e kanë denoncuar me shpejtësi në JOQ.
