Jesus Alberto Lopez Ortiz, një futbollist i njohur si Chucho, humbi jetën tragjikisht në rajonin Santa Cruz të Kosta Rikës.
Video e futbollistit dhe krokodilit
29-vjeçari që luante me Deportivo Río Canas në Ligën Ascenso të Kosta Rikës u sulmua për vdekje nga një krokodil.
Sipas Policisë, Chucho është sulmuar nga krokodili në lumin Canas kur ai ishte futur për t’u larë. Dëshmitarët e ngjarjes treguan se lojtari 29-vjeçar u hodh nga një urë në ujërat e lumit Canas teksa ishte duke ushtruar. Fatkeqësisht, sulmi i krokodilit solli vdekjen e tij tragjike.
Për të tërhequr eshtrat e Lopez -it, policisë iu desh të përdorte armë zjarri për të vrarë krokodilin. Klubi i futbollistit në një deklaratë për mediat tha:
Me pikëllim të thellë bëjmë publike vdekjen e lojtarit tonë Jesus Lopez Ortiz. U prehsh në paqe Çuço. I bashkohemi dhimbjes së gjithë familjes së tij.
