Lamine Yamal u bë lojtari më i ri në historinë e Barcelonës mbrëmjen e së shtunës. Gjithçka tregon se një diamant i ri është shfaqur Camp Nou, megjithëse ka pasur edhe shumë paraardhës të tij që e kanë nisur në mënyrë të ngjashme debutimin e tyre dhe në fund nuk kanë arritur të shfrytëzojnë talentin e tyre.
Djali, vetëm 15 vjeç e 285 ditë, ishte në pankinën e Barcelonës për ndeshjen e tyre në La Liga kundër Real Betis në Camp Nou.
Në minutën e 82-të, Barça rriti avantazhin në 4-0 dhe Xavi vendosi t’i jepte një shans Yamalit për të treguar se çfarë mund të bëjë në fushë. Djaloshi ishte mbresëlënës gjatë paraqitjes së tij të shkurtër.
Ai për pak sa nuk shënoi vetëm pak minuta pas debutimit, por gjuajtja e tij u mbrojt nga Rui Silva. Momenti i tij më i mirë ndodhi në minutën e 89-të kur bëri një pasim fantastik ndaj Ousmane Dembele. /Sport Ekspres/
Lamine Yamal ( 15 ans ) vs Real Betis pic.twitter.com/yhM8iF1E7y
— 𝐀𝐁𝐃𝐎𝐔 🇲🇦🇳🇱 (@MarshallFCBB) April 29, 2023