Nuk ka fitore për Interin. Kampionët e Serisë A e kanë nisur sezonin e ri me një barazim. Alesandro Voliako zhbllokoi rezultatin në minutën e 20, por vetëm 10 minuta më vonë Turami ktheu sërish baraspeshën. Ishte sërish sulmuesi francez ai që shënoi për Interin, këtë herë në minutën e 82-të. Arbitri pati nevojën e sistemit VAR për të vendosur në lidhje me rregullsinë e golit.
Por nëse në këtë rast VAR-i i erdhi në ndihmë zikaltërve, në minutën e 94-t i hoqi fitoren nga duart. Gjyqtari vendosi për akordonte një penallti në favor të Xhenoas pas rishikimit të pamjeve në monitor.
GENOA EQUALIZES IN THE 95 MINUTE AGAINST INTER AFTER A REBOUND FROM A PENALTY.2-2.JUNIOR MESSIAS pic.twitter.com/ojfN2c1ukT
— Footy (@footbalwrld) August 17, 2024
Mesiasi u tregua i pasaktë nga pika e bardhë e 11 metrave, por topi mbërriti sërish në këmbët e tij. Këtë herë nuk mundi të gabonte me portën e boshatisur dhe i dërgoi shifrat në ato përfundimtare 2-2, duke i prishur festën Interit në nisjen e kampionatit.
