Një sasi lënde plasëse ka shpërthyer në orët e para të mëngjesit të sotëm në derën e banesës një 65-vjeçari.
Mësohet se bëhet fjalë për Muhamet Dukën, babain e Leonard dhe Elis Dukës.
“Më datë 18.04.2023, reth orës 03:00, te Fresku, në afërsi të Insitutit të Fizikës Bërthamore, në katin e katërt të një pallati, në derën e banesës së shtetasit M. D., 65 vjeç, dyshohet se ka shpërthyer një sasi lëndë plasëse”, thuhet në njoftimin zyrtar të policisë.
Leonard Duka u arrestua pak kohë më parë, ndërkohë që dy vëllezërit ishin shpallur në kërkim për vrasjen e Santiago Malkos në 2019-ën. Santiago Malko ishte njeri i besuar i Ervis Martinajt, ndërsa dy vëllezërit Duka njihen nga policia si kundërshtarë të Martinajt.
Më herët Martinaj rrëmbeu Muhamet Dukën dhe kjo ishte nisja e sagës hamkarrëse të vëllezërve Duka ndaj Ervis Matinajt. Ndërkohë, i shumëkërkuari i drejtësisë, Martinaj ndodhet i zhdukur prej kohësh, ndërsa familja nuk ka asnjë gjurmë për të./Albeu.com.