Është dorëzuar në komisariatin e Policisë së Kavajës 31-vjeçari Habib Rexha, i cili dy ditë më parë ekzekutoi me plumb në kokë 48-vjeçarin Arian Gosa.
Prej dy ditësh, ai ishte në kërkim nga Policia dhe ishte vendosur shpërblim 10 mijë euro, për çdo informacion të vlefshëm që do të çojë në kapjen e tij. Sot, ai ka vendosur t’i japëvetë fund arratisë.
Habib Rexha vrau Arian Gosën për hakmarrje për vëllain e tij, Altin Rexha ku u vra pas një sherri me vëllain e Arian Gosës, Armand (Edmond) Gosa, ku mbetën të dy të vdekur.
Kjo ngjarja ndodhi më 29 Mars të këtij viti, teksa Habib Rexha u kthye nga Gjermani dhe mori hak për të vëllain pas 53 ditësh.
Njoftimi:
Në vijim të veprimeve kërkimore të kryera nga strukturat e Komisariatit të Policisë Kavajë dhe ato të DVP Tiranë, për kapjen e autorit të vrasjes së shtetasit A. G., të kryer më datë 21.05.2023, ju informojmë se:
Krahas kërkimeve intensive të zhvilluara për kapjen e shtetasit Habib Rexha, strukturat e Policisë negociuan dhe me familjarët me qëllim dorëzimin e këtij shtetasi.
Si rezultat i veprimeve kërkimore, pamundësisë së largimit dhe negociatave me familjarët, shtetasi Habib Rexha u vetëdorëzua në Komisariatin e Policisë Kavajë.
Në bashkëpunim me Prokurorinë, vijojnë veprimet hetimore për dokumentimin e plotë ligjor të kësaj ngjarjeje.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.
