Ditën e sotme, pasi ekspertë të kriminalistikës e paralajmëruan në studiot televizive, nga SPAK dolën video (më shumë se një) të atyre që pretendohen se janë vajza të showbizi-it, po flasim për video erotike, e që aludohet se zotërohen nga personazhe të krimit shqiptar. Në radhë të parë, nëse video-t kanë “rrëshkitur” vërtetë nga SPAK, kjo është një shkelje e rëndë e ligjit, pavarësisht se kush janë personazhet, megjithatë, ajo që njerëzit që tashmë kanë parë një prej materialeve filmike që po qarkullon më së shumti, po komentojnë masivisht është fakti që vajza duket si Luana Vjollca.
Kjo gjë ka detyruar Luanën të reagojë në rrjetet sociale, gjë që moderatorja nuk e bën asnjëherë edhe kur komentohet negativisht apo kritikohet, ndonjëherë edhe pa të drejtë, megjithatë “momente kritike çojnë në vendime kritike” dhe drejtuesja e “Love Island” ka postuar një InstaStory ku sqaron të vërtetën e saj.
Përveçse vërteton edhe njëherë që vajza në video nuk është ajo (falë mungesës së tatuazheve dhe formave të trupit), por këtë duhet të ishe mjaft mendjelehtë ta mendoje në radhë të parë, Luana shkruan ” Është e turpshme të hidhni baltë mbi jetën e një vajze që për gjithçka që ka sot, ka zgjedhur rrugën e punës”.
E në fakt eshtë vërtetë e turpshme që për një vajzë që e ka nisur modestisht në televizion dhe me shumë punë, këmbëngulje, përkushtim e dedikim ka arritur në atë që mund ta quajmë “maja e ekranit”, të duhet të hedhë poshtë akuza të tilla. Sado ngjashmëri që mund të ketë mes vajzave, Luana e ka vërtetuar që është shumë larg “diskutimeve për telefonat e kriminelëve” dhe ka zgjedhur “rrugën e punës”, dje dhe sot.
Kur ke sukses, baltë sigurisht do të ketë, por nëse me baltën Luana edhe mund të jetë mësuar, me “llumin” duhet të përballet! /News31
