Në rrjet është publikuar një video ku shihen dy gëzime në një ditë të një çifti të ri të dashuruarish. Mes atmosferës së krijuar nga dekori i zemrës me tullumbace të kuqe dhe emocioneve të diplomimit, Angelina i tha “Po” Manuelit.
Ky i fundit nga Fieri nisi lidhjen e dashurisë me Angelinën nga Bulqiza, 4 vite më parë, teksa tashmë romanca e tyre do të konkretizohet në martesë. Në ceremoninë e diplomimit të 1500 studentëve të UAMD-së, Manueli i propozoi martesë partneres së tij, Angelina.
Angelina Doga dhe Manuel Durraj jetojnë prej vitesh në Tiranë, aty ku kanë kryer edhe studimet, teksa banojnë në një lagje, vendi ku shkëmbyen edhe sinjalet e para të pëlqimit për njëri-tjetrin. Student në vit të 5-të tek Universiteti Bujqësor i Tiranës, në degën Mjekësi Veterinare, Manueli i rrëmbeu jo vetëm zemrën Angelinës, por edhe “Po-në” për martesë.
