Legia e Varshavës ka fituar me rezultatin 3-1 kundër Rakov Çestoçovës. Kryeqytetasit kanë marrë tre pikë mjaft të rëndësishme në garën për titull, pasi i ka siguruar përballë vendit të parë në renditje, i cili tani është vetëm 6 pikë larg. Goli i parë u shënua në minutën e 15 të takimit, kur Ernest Muçi dha një asisit perfekt për Pekhartin.
Ky i fundit e dërgoi topin me kokë në rrjetë dhe i dha avantazhin Legias. Augustiniaku dyfishoi rezultatin në minutën e 30, ndërsa Novaku ngushtoi shifrat vetëm dy minuta më pas. Në pjesën e dytë, Legia shënon përsëri me anë të Vzolekut, duke fiksuar shifrat në rezultatin përfundimtar 3-1. Një ndeshje pozitive e Ernest Muçit, që përpos asistit, regjistori edhe 4 goditje në portë, gjysma e gjuajtjeve në portë që Legia realizoi në tërësi.
Sulmuesi shqiptar kishte një motiv mjaft të fortë për të dhënë më tepër nga vetja mbrëmjen e sotme, pasi përveç faktit se përballë kishte kryesuesit e kampionatit, në stadium kishin ardhur skautë nga Serie A dhe nga Premier League për të njekur këtë përballje.