Milani përballet sot në mbrëmje, në orën 21:00, me Totenhemin. Kuqezinjtë kanë fituar ndeshjen e parë me rezultatin 1-0 dhe sot kërkojnë kualifikimin për në çerekfinale të Ligës së Kampionëve. Tifozët italianë kanë udhëtuar drejt Londrës për të mbështetur nga afër skuadrën e tyre të zemrës.
Të gjithë të veshur me të zeza dhe duke kënduar në kor, ultrasit e Milanit kanë ditur si të krijojnë atmosferë në kryeqytetin anglez. Tifozeria e klubit italian ka “pushtuar” rrugët e Londrës dhe duket e motivuar për t’i dhënë një mbështetje të zjarrtë lojtarëve në stadium. Është pikërisht ajo çfarë i duhet Milanit më tepër se kurrë mbrëmjen e sotme./Halit Delibashi-Sport Ekspres/
AC Milan fans in London today. Different level. pic.twitter.com/en7e0kr0Hm
— BlockSports (@Blockbetsports) March 8, 2023
