Nisja e këtij sezoni nuk ishte e lehtë për Vedat Muriqin, por ngërçi i golit tashmë është hedhur pas krahëve. Sulmuesi shqiptar ka ndezur motorrët në La Liga, ku po shënon nga ndeshja në ndeshje. “Pirati” ka gjetur rrugën e rrjetës edhe ditën e sotme, teksa i shënoi Rajo Vajekanos.
Në tërësi, Muriqi kap shifrën e 4 golave në kampionat. Katër gola që janë shënuar në 4 ndeshje radhazi, që dëshmojnë formën e jashtëzakonshme që 29-vjeçari po kalon. Kujtojmë se lojtari i Majorkës humbi 2 penallti në javët e para të La Ligas, çka shfaqi edhe shqetësim në klubin spanjoll. Por periudha e vështirë tashmë i përket së shkuarës, pasi Muriqi është në ritmin e duhur për të qenë në pjesën kryesore të renditjes së golashënuesve në elitën e futbollit spanjoll.
