FOTO/ E habitshme por rrugëtimi i Halandit nisi me Laçin, sonte norvegjezi do finalen e madhe

Date:

- Advertisement -

Erling Haland është sot 22 vjeç dhe konsidero het nga të gjithë një nga bishat e futbollit. Sulmuesi norvegjez i Mançester Sitit po thyen rekord pas rekordi në çdo kompeticion. Pa u ndalur gjatë te “bëmat” e tij në Premier Ligë, ai është protagonist absolut edhe në Ligën e Kampioneve, aty ku në 28 takime të luajtura me Salcburgun, Dortmundin e Sitin ka mundur të shënojë 35 gola.

Ende në moshën 22-vjeçare dhe duke luajtur vetëm sezonin e tij të katërt në Ligën e Kampioneve, sulmuesi norvegjez është që tani shënuesi i 19-të më i mirë në historinë e kompeticionit dhe ka lënë pas emra si Eto, Grizman, Kaka dhe Runi dhe tani ka në shënjestër Kavanin, Agueron dhe Del Pieron.

Por tifozët shqiptarë dhe veçanërisht ata të Laçit duhet ta mbajnë mend mirë sulmuesin norvegjez. Nëse jo po e sjellim në kujtesë. Ishte 26 korriku i vitit 2018, kur Haland shënonte golin e tij të parë në Kupat e Europës dhe këtë e bënte ndaj Laçit në Ligën e Europës.

Në turin e parë në Ligën e Europës, Laçi përballej me Molden e Norvegjisë. Në takimin e parë në vendin nordik, Laçi mundej 3-0 nga Molde, ku një nga golat e shënonte pikërisht Erling Haland.

I hedhur si titullar në fushë nga trajneri i Moldes, asokohe Ole Gunar Solskjaer, ai shënonte pas vetëm 7 minutash lojë nga pika e penalltisë. Ai nuk luajti në Laç në takimin e kthimit, por goli ndaj kurbinasve ishte i pari për të në Kupat e Europës. E i hapi rrugën një marshimi të frikshëm.

Dhe tani pesë vjet më vonë dhe në një moshë fare të re ai është një nga sulmuesit më të fuqishëm në botë. Jo më kot ai është dhe lojtari më i vlefshëm në planet me një vlerë prej 200 milionë eurosh, po aq sa dhe Vinicius. Ndaj Viniciusit dhe Realit të Madridit do të përballet sonte në mbrëmje në kërkim të finales së tij të parë në Ligën e Kampioneve.

- Advertisement -

Share post:

Më të lexuarat

Me shume
Related

Si më le vetëm o vëllaçko?”, motra e Emilijanit në lot: Ma dogje zemrën!

Emiljan Pine është 37-vjeçari i vrarë mbrëmjen e kaluar...

Shtëpia molla e sherrit, korçari vrau 40-vjeçarin dhe më pas veten

Babai i autorit Ilo Lluka, i cili vrau mbrëmjen...

VIDEO/ Muçi driblon dy kundërshtarë dhe i jep mundësinë Rashicës për të shënuar, rasti i humbur nga sulmuesi shqiptar

Beshiktashi është gjysmëfinalisti i radhës në Kupën e Turqisë....

Sot i jepet lamtumira e fundit 26-vjeçarit që humbi jetën në aksidentin tragjik në Prishtinë

Dy ditë më parë, një aksident i rëndë ka...