Një ngjarje e rëndë ka ndodhur në fshatin Plug, Lushnje. Mësohet se sot, është gjetur pa shenja jete në një kanal të fshatit, shtetasi me iniciale A. K., 59 vjeç. Ky i fundit ishte shpallur në kërkim nga policia, pasi kishte që në datë 25 maj që ishte larguar nga banesa. Mësohet se 59-vjeçari ka ndërruar jetë për shkaqe natyrale.
Policia:
Lushnjë/informacion paraprak Me datë 29.05.2023, rreth orës 14:25, është gjetur pa shenja jete dhe pa shenja dhune, në një kanal në fshatin Plug, shtetasi A. K., 59 vjeç. Ky shtetas ishte shpallur në kërkim nga Komisariati i Policisë Lushnjë, për largim nga banesa në datë 27.05.2023. Paraprakisht dyshohet se 59-vjeçari ka ndërruar jetë për shkaqe natyrale. Grupi hetimor ndodhet në vendngjarje dhe po punon për zbardhjen e plotë të rrethanave të ngjarjes.