Dëshmia e Artan Tafanit tashmë i bashkëpunëtor me drejtësinë, ka zbardhur ngjarje të shumta kriminale të regjistruara në vendin tonë. Në listën e emrave të personave që kanë lidhje me grupin e Laert Haxhiut, është edhe emri i një 27-vjeçareje nga Lushnja.
Klea Gjata e dashura e Laertit, e arrestuar një ditë më parë në kuadër të operacionit ‘Kurrë mos Harro’. Familja e saj, është kërcënuar nga familjarët e viktimave, të vrarë nga banda e Laert Haxhisë.
Mamaja e 27-vjeçares në një intervistë për Report Tv tha se asaj i ka shkuar në banesë nëna e një të vrari nga banda e Laert Haxhisë dhe e ka kërcënuar
‘Unë po pija kafen në një lokal lagje. Po ça faji kam unë? Erdhi një grua, e ka emrin Shpresa, mbiemrin nuk e di. Ka ardhur edhe këtu, edhe tek shtëpia, më tha le të fshihet sa të dojë, vajza e saj më ka vrarë djalin. Vajza ime është një engjëll nuk ka lidhje me vrasjet! Të pyesësh në gjithë Lushnjën s’ka lidhje! Vajza ime ka që vajzë e re që ka punuar në shtëpitë e Zvicrës duke pastruar. Klea ka mbaruar administrim biznesi. Unë atë dritë syri kam. Vajza fle me mua. Jam tepër e shqetësuar, na ndihmo të lutem. Unë atë vajzë kam nuk ka bërë asgjë. Më ndihmo të lutëm. As nuk e ka takuar, vetëm të atin i njoh çunit! Ne kemi parë hallin tonë. Kam turp kam sedër pse ta pësoj ajo që është e drejtë. Unë e kam frikë atë më thoshte që t’i bëj bllok’– tha ajo./JOQ
