Mes gjithë dramës dhe diskutimeve që u krijuan javën e kaluar në “Big Brother Vip”, shpjegimi i Luizi për veprimin e tij ndaj Kiarës, kishte të bënte pikërisht me ‘shpëtimin’ e Tanit, shokut të tij, nga nominimi. Këtë gjë Luizi ia shprehu vetë Kiarës gjatë debateve që kanë patur dhe kjo gjë nuk i ka pëlqyer aspak moderatores.
Ajo mori menjëherë ‘hak’, pikërisht duke përdorur këtë ‘armë’ kundër Luizit. Gjatë spektaklit të së martës së kaluar, në dhomën e rrëfimit, banorët dhanë vetëm nga një emër për të nominuar dhe mes gjithë banorëve të nominueshëm, Kiara zgjodhi pikërisht Tanin.
Ky i fundit tashmë jashtë “Big Brother Vip”, pasi u largua me vullnetin e tij mbrëmë nga shtëpia, ka mësuar për veprimin e Kiarës ndaj tij.
Ashtu siç e do tradita, ai ishte i ftuar sot në “Fun Club” ai u pyet nga Megi Pojani se si u ndje kur mori vesh se Kiara e kishte nominuar në dhomën e rrëfimit.
Tani qeshi dhe tha se nuk u mërzit aspak madje ju duk për të qeshur dhe se nuk i intereson nominimi i saj.
Stilistja e Luizit del kundër Kiara Titos për veshjet: Nuk është eksperte për të veshur meshkuj
Kujtojmë se në debat me Luizin, Kiara tha: “Ti mendoje për Tanin dhe nuk mendoje për të dashurën tënde që e kishe future në cep aty. Më thua mua egoiste, kur je egoist vetë. Më fute aty edhe të thoja “stop”, ti po kënaqeshe aty se po fitoje në lojë. Nuk më respektove një herë, tu prish loja ty se iu dha një avantazh vajzave. Të janë errur sytë edhe vetëm lojën mendon”
Vëmendje mori edhe fakti që Keisi nominoi Armaldon, pikërisht për shkak të asaj që i bëri Kiarës, ndërsa kjo e fundit nuk zgjodhi ta nominojë.
