Vlonjatët e kanë kapur me shpejtësi tendencën e rritjes së turizmit dhe kërkesës për akomodim në vend, duke kryesuar në numrin e strukturave akomoduese private që janë të listuara për tu dhënë me qira në platformën AirBnb
Në qytetet e mëdha turistike si Tirana, Durrësi, Vlora, Saranda dhe Gjirokastra, çmimi mesatar i një apartamenti apo shtëpie në Airbnb mund të fillojë nga 30-50 euro për natë.
Për shtëpitë me dy ose më shumë dhoma dhe me pamje, çmimet variojnë nga 50-100 euro për natë, në varësi të ndërtesës dhe komoditeteve që ofrohen.
Nga të dhënat e AirDNA shohim që vetëm në kryeqytet ka 3023 mijë struktura në Airbnb, me 20% të totalit.
Por, duket se janë vlonjatët ata që janë treguar më të shkathët dhe kanë dhënë shtëpitë e tyre me qira. Në qytetin bregdetar, në qershor kishte 4701 struktura të listuara, ose 26% të totalit, e ndjekur nga Saranda, me 2635 listime (17% e totalit).
Durrësi, ndonëse ka një nga hapësirat më të mëdha bregdetare dhe me ndërtime të ngjeshura, kishte vetëm 1701 struktura të listuara, ose 11% të totalit.
